Back Die Karamazof-broers Afrikaans الإخوة كارامازوف Arabic الاخوه كرامازوڤ ARZ Karamazov qardaşları Azerbaijani Ағалы-энеле Карамазовтар Bashkir Братя Карамазови Bulgarian Els germans Karamàzov Catalan برایانی کارامازۆڤ CKB Bratři Karamazovi Czech Brødrene Karamasov Danish
Los hermanos Karamázov (rusu: Братья Карамазовы, Brát'yá Karamázovy, ˈbratʲjə kərɐˈmazəvɨ) ye la postrera novela del escritor rusu Fiódor Dostoyevski, publicada en 1880. L'escritor pasó casi dos años escribiendo la obra, que se publicó de forma seriada en El Mensaxeru Rusu de xineru de 1879 a payares de 1880. Dostoyevski morrió menos de cuatro meses dempués de la so publicación. Los hermanos Karamázov ye una novela filosófica ambientada na Rusia del sieglu XIX, qu'entra fondamente nos alderiques éticos de Dios, el llibre albedríu y la moralidá. Ye un drama espiritual de lluches morales rellacionaes cola fe, la dulda, el xuiciu y la razón, contra una Rusia en procesu de modernización, con una trama que xira en redol a la tema del parricidiu. Dostoyevski compunxo gran parte de la novela en Stáraya Rusa, qu'inspiró l'escenariu principal. Dende la so publicación, foi aclamada como una de les obres más importantes de la lliteratura universal.